NR. 05 anno XXII DELL'11 FEBBRAIO 2017
la domenica di vicenza
google
  • Newsletter Iscriviti!
Home | Rubriche | Oroscopo  
Oroscopo


Ariete

Nadale el ve porta na strana voja de fare del ben. Ciapeghe rento parchè secondo mi la passa in pressa!

Toro

Non so con che corajo che vardè ancora nei oci la morosa. Ve convien dirghe la verità che se par caso la scopre ela a si fregà...

Gemelli

Niente de novo gnanca par sta setimana, ansi a dirsela tuta gnanca par stano che vien. Metive el core in pace che xe mejo!

Cancro

Na persona che ghavi giudicà male la ve sorprende in positivo. Vedio cosa che vol dire a scoltare le malelingue!

Leone

Provè a metarve in testa pensieri manco pericolosi quando che pensè ala vostra colega de uficio e ocio a non pensare a voce alta!

Vergine

Col novo ano che vien vanti a ghavi qualche speransa de metarve in riga. Speremo che sia la volta bona che ormai ghavi un età!

Bilancia

Masa feste le ve rovina la linea e le ve mete de cativo umore. I xe giorni che si pi fastidiosi de na mosca sua minestra, speremo che i passa.

Scorpione

Ghodive le poche ferie che ve xe restà parchè l’ano novo el sarà pien de impegni e ve tocarà sudare sete, forse anca oto camise.

Sagittario

Se vero che in amore a vinse queli che scapa, ma ocio a non corare masa parchè la va a finire che non i ve cata pì...

Capricorno

Se ghavi un segreto troveve na persona da contarghelo cosi ve cavè el pensiero e vivì un fià pi tranquili.

Acquario

Non xe mia dito che tute le brute notisie le porte desgrasie, serte volte quelo che pareva bruto el podaria anca diventare belo.

Pesci

L’ano che xe drio rivare el ve vede iluminà dale stele. Se ve comportè ben e non ghe pestè i pie a nesuni forse xe la volta bona che la ve va ben. Forse!

Guarda l'ultimo TG
Come installare l'app
nel tuo smartphone
o tablet

Guarda il video per
Android    Apple® IOS®
- P.I. 01261960247
Engineered SITEngine by Telemar